Міжнародная канферэнцыя распрацоўнікаў і карыстальнікаў свабодных праграм

FOSS Lviv 2015

31 сакавіка 2015, 21:01

5 навукова-практычная канферэнцыя FOSS Lviv-2015 пройдзе ў Львоўскім нацыянальным універсітэце ім. І.Франка 23.04 – 26.04.2015.

Напрамкі работы канферэнцыі:

  1. Свабоднае праграмнае забеспячэнне ў адукацыі;
  2. Свабоднае праграмнае забеспячэнне ў навуцы;
  3. Свабоднае праграмнае забеспячэнне ў бізнэсе;
  4. Свабоднае праграмнае забеспячэнне дома.

Рабочыя мовы канферэнцыі – украінская, руская, беларуская, польская, англійская.

На канферэнцыю запрашаюцца распрацоўнікі, карыстальнікі, IT-менеджэры і ўсе, каго цікавіць выкарыстанне свабоднага праграмнага забеспячэння.

Задачы FOSS Lviv-2015 – забяспечыць эфектыўныя зносіны і абмен інфармацыяй, абмеркаваць перспектывы развіцця свабоднага праграмнага забеспячэння ў дзелавым сектары, навуцы і адукацыі і ініцыяваць новыя праекты па выкарыстанні свабоднага праграмнага забеспячэння. Даклады і абмеркаванні тычацца практычных аспектаў распрацоўкі і ўкаранення праграм, зніжэння кошту ліцэнзій і абслугоўвання інфармацыйных сістэм.

Удзел у канферэнцыі бясплатны. Для ўдзелу ў канферэнцыі трэба да 10.04.2015 зарэгістравацца (гл. больш падрабязную інфармацыю на http://conference.linux.lviv.ua).

Тэзісы дакладаў прымаюцца да 10 красавіка 2015 г. з публікацыяй ў друкаваным зборніку матэрыялаў канферэнцыі, да 23 красавіка 2015 г. з унясеннем дакладу ў pdf-файл матэрыялаў канферэнцыі.

Для ўдзельнікаў канферэнцыі, якія не змогуць прыбыць у Львоў на канферэнцыю, будзе арганізавана Інтэрнэт-секцыя канферэнцыі з дапамогай тэхналогіі BigBlueButton (http://bigbluebutton.org, тэхнічныя патрабаванні да кліенцкай часткі).

Тэставая пляцоўка для праверкі апаратных і праграмных сродкаў удзельнікаў Інтэрнэт-секцыі будзе разгорнута 9 і 10 красавіку 2015.

Арганізатары канферэнцыі:

  • Львоўскі нацыянальны універсітэт імя Івана Франка;
  • Львоўская група карыстальнікаў Linux;
  • Нацыянальны педагагічны універсітэт імя М. П. Драгаманава;
  • Брэсцкі дзяржаўны тэхнічны універсітэт;
  • Праект Linux Vacation / Eastern Europe;

Аўтар: Dmitriy Kostiuk

Назад да спісу навінаў
blog comments powered by Disqus