Месца канферэнцыі
Канферэнцыя адбудзецца на турыстычнай базе “Хімік” у аколіцах Горадні.
Турыстычная база аддае ўдзельнікам LVEE нумары на 2, 3, 4, 5 асобаў без прыбіральні ў нумарах, але ў вялікім дамку ці ў асобным будынку.
Канферэнцыйная зала з усім патрэбным абсталяваннем, спартовыя пляцоўкі, возера з пясчаным пляжам, велізарная колькасць альтанак і мангалаў, цудоўны сасновы лес і, галоўнае, – поўная адсутнасць доступу ў сеціва – ідэальныя ўмовы для размоваў і адпачынку.
Вогнішчы на тэрыторыі базы забароненыя, таксама не вітаюцца сабакі.
У пачатку канферэнцыі будзе прадстаўлены папярэдні план жытла для ўдзельнікаў.
Пра даезд
Будзе арганізаваны цэнтралізаваны даезд з Менску і Горадні ў дзень пачатку LVEE і цэнтралізаваны вываз удзельнікаў у апошні дзень канферэнцыі.
Падрабязнейшыя звесткі пра даезд з’явяцца тут пазней.
Для ахвотных самастойна даехаць да турыстычнай базы ёсць слоўнае тлумачэнне, карты мясцовасці, звесткі Google Maps і графічны рысунак маршруту, звесткі OpenStreetMap:
Таксама турбаза даступная на праекце OpenStreetMap.
Перад пачаткам канферэнцыі ўдзельнікі, якія даязджаюць да месца канферэнцыі сваім аўтатранспартам, публікуюць інфармацыю на Wiki. Вы можаце ўзгадніць свае планы з іншымі, а таксама знайсці спадарожнікаў з свайго краю.
